عندما يتطور قاموسك اللغوي تتطور مهارة الاستماع عندك
ومع ان كورس الاستاذ ابراهيم مدروس فان الجمل التي يضعها في كورس الاستماع تكون مبنية على ما سبق،
اذا انتظمت بالدروس سيتحسن فهمك
إعجابَين (2)
السلام عليكم …
الحمدلله مستواي اتغير جداا جداا ومش ببالغ والله، أصبح ملاحظ عليَّ التطور في النطق والاستماع والنتيجة دي من زمان كمان ! تقريبًا كده انا معروف بين أصحابي ومعارفي وجيراني وحتي مشايخي إني شخص مجتهد وشاطر وبيطور اللغة الانجليزية، طبعا دي كلها جهود ذاتية بفضل الله تعالي ، عشان ما أطول في الكلام هقولك علي أول حاجة فرق معاي جدا ! - طبعا القصة طويلة وبإذن الله تعالى بعد التمام قريبا هشارك تجربتي مع ذامريكان - أول حاجة فرق معاي كان كورس الصوتيات المستوى الثاني غير نطقي تماما ! وخلاني افهم النطق نفسه وامارسه وكمان عرفت اخطاء المدرسين الأفاضل اللي كانوا بيعلموني ف الثانوية، لكن كانت الممارسة مشكلتي بس اللي اهتميت بيها مؤخرًا وظهرت النتيجة الإيجابية لها بفضل الله ومازالت. كنت بتعلم بدون ممارسة اللغة بشكل كافي.
الخلاصة عشان العصر بيأذِّن بقدر اتكلم بشكل طليق وافهم اللي قدامي بشكل واضح وبتواصل مع ناس من مختلف البلاد حول العالم وبنفهم بعض بنسبة تتعدي ٨٥ % وده في حد ذاته إنجاز بالنسبالي ، بإذن الله مستمر وحاليا في اخر كورس من المستوي الثاني كورس الكتابة وبفضل الله هكمل ، حاليا هدخل الجيش ف الوضع صعب شوي لكن نسأل الله التساهيل .
9 إعجابات
أنا مازلت في المستوى الأول من سنين 
لأني بصراحة إنسان كسول جداً، لكن أحياناً بتفرج على بعض الدروس من مستويات الأخرى، لكن في الأصل لم أنتهِ بعد من جميع كورسات المستوى الأول
الحمد لله بقدر أتفرج على كرتون أطفال بدون أي ترجمة خالص
وبقدر أفهم الأفلام بنسبة ٧٠ في المية لو موجود ترجمة إنجليزي، وطبعاً بيكون فيه كلمات جديدة وصعبة ولازم أبحث عن ترجمتها
بالنسبة للتحدث فكنت بتكلم مع واحد من كندا والحمد لله كنا فاهمين بعض كويس
ولأني إنسان كسول ولا أحب الدراسة فمشاهدتي لأفلام ومسلسلات وكرتون كثيراً زود عندي قدرتي على الاستماع بشكل كبير جداً
مهارة القراءة هي أضعف للأسف لأن الكتب دائما والروايات بتستخدم كلام صعب ومصطلحات معقدة وأساليب بلاغية وأنا حصيلة كلماتي محتاج أزودها
5 إعجابات
اتكلم اكتر عن رحله تعلمك عشان نتسفاد
إعجاب واحد (1)
نرجو ان تشاركنا رحلة التطور هذه لأننا في أمس الحاجة لها حاليا خاصة نرجو الرد في اقرب وقت ممكن
إعجابَين (2)
معليش تقول لنا كيفاش طورت مهارة الاستماع ، وممارسة اللغة كيف بدأت وكيف طورت ذلك وشكرا
إعجابَين (2)
بالنسبة ليا انا حسيت فعلاً ان مستوايا اتغير بعد ما خلصت المستوى الاول وبقيت اسمع كلمات في الافلام كانت بتمر عليا مرور الكرام ومكنتش بفهمها ، ودلوقتي لما بشوف حاجة بالانجلش بقيت بفهم معظم الكلام بدون حاجة للترجمة ، لكن النطق عندي ماكنتش حاسة انه بيتطور ، ولكن في يوم وانا بعمل شات مع صحبتي فقولت كام كلمة بالانجلش وقالتلي اني الاكسنت بتاعتي اتحسنت كتير وبقيت بنطق بشكل احسن.
طبعاً فرحت ووقتها بس خت بالي من حاجة مهمة ، اننا ممكن مانكونش واخدين بالنا من اننا بنتطور وده نتيجة لاننا بنشوف وبنسمع ناس مستواهم رائع بالمقارنة بينا ، بس الحقيقة اننا بنتطور ومش واخدين بالنا ، واحنا بس اللي مستعجلين عشان نتكلم بطريقة احسن من الامريكان نفسهم من اول كام حلقة في الكورس ، والحقيقة اننا لازم نصبر و ننفذ تعليمات استاذ إبراهيم عادل اللي بيقولها في كل كورس بالحرف ، ونجتهد ونشتغل على نفسنا وهيبان التطور ، ومفيش حاجة اسمها اسانسير في اللغة والمفروض نركبه وهنوصل لاعلى دور في المبني في وقت قياسي ، بالعكس عشان نوصل لازم نطلع سلمة سلمة لحد ما نوصل لاعلى دور ، ووقت ما نوصل ونشوف اننا ثابرنا واجتهدنا للوصول وتشوف المنظر من فوق والكل بيحاول يوصل وفي اللي بيزهق ويحبط ويتراجع وفي اللي بيتعب وبيحاول يدور على وسيلة تانية اسهل وبيتوه ومبيوصلش بردو ، واحنا اللي مفيش حاجة تانية احبطتنا خالص ، وقتها هيكون المنظر من فوق ممتع.
5 إعجابات
حصل بجد… مفيش حد بيحس بالتطور لان انت بتطور كل يوم حاجه بسيطه… أما لو في واحده صاحبتك مشافتكيش بقالها مده فهي لما تشوفك هتحس بالتطور بتاعك لأنها مش متابعه التطور الطفيف اللي بيحصل… وكذلك حصل معايا لما كنت بسجل لنفسي كام كلمه انجليزي و اتعجبت جدا لما سمعت الصوت حسيت أن مش انا اللي بتكلم وكنت طاير من الفرح اليوم ده… وبأذن الله ربنا هيعينا علي الإستمرار
إعجاب واحد (1)