بقالك كام سنة عارف أ.إبراهيم؟
وبقالك كام سنة بتذاكر من على القناة ZAmericanEnglish؟
في المستوى الكام دلوقتي؟
أنا عارف الأستاذ من خمس سنين
بدأت أتعلم من آخر شهر سبعة السنة دي يعني من 3.5 شهور
ودلوقتي في المستوى الثالث
4 إعجابات
seven years ago
I’m at first level
3 إعجابات
سلام احم لدي بعض الاسئلة
كيف بدأت الدرسة من 3 شهور ونصف وانت الان في المستوى الثالت ؟
يعني كل مستوى بتدرس شهر ؟ وكيف طريقة دراستك ؟
إعجابَين (2)
طريقة مذاكرتي حتى الآن مش منتظمة ولكن أقدر أقلك على سريع كدا اللي حصل معايا وفي النهاية الحاجة المفيدة.
لحد نص شهر 8 كنت بخبط من كورس على كورس وكنتش بذاكر ولا براجع ومرة أسمع طليق ومرة أسمع Z
قررت أبدأ من الصفر باترتيب أخيرا وجبت الكتاب لحد دلوقتي بحرص إني أنام خمس ساعات في اليوم كله بما في ذلك القيلولة
انتهيت من المستوى الأول وبدأت المستوى الثاني يوم 9/10/2024
وقررت اليوم اللي بعده ملعبش أبدا أي لعبة على الإطلاق بعد كده قصدي طبعا على ألعاب الـ Games
ومن ساعتها فعلا لحد دلوقتي خلاص مبقتش أضيع وقتي
فضاعفت مذاكرتي وكنت بهتم إني محفظش الدرس صم في اليوم بتاعه إنما فقط أذاكره مذاكرة خفيفة
وكل يوم بعديه براجعه واللي قبله واللي قبله وهكذ
دايما برز على المراجعة عشان هي بتطبق نظام التكرار المتباعد اللي بيساعد على الحفظ صم وبيوفر وقت
طبعا لازم أعمل كده عشان أنا في الدراسة في 2ث
فكنت بذاكر خمس دروس أو 6 في اليوم وأحيانا 8 وأكيد في أحيانا بذاكر 4
بدأت المستوى الثالث 15/11/2024
بس الأسبوع ده بهتم بإجابة الأسئلة في المنتدى عشان ده جزء من رد الواجب اللي المستر بيعمله معانا
فباستهلك وقتي اوي محققتش ثير في الأسبوع ده في المستوى الثالث للأسف
كل ده اختصار شديد ومش مهم المهم إني استلخصت إجابات أسئلة من الزلات بتاعتي وحطيتها في منشور:
ولع النور ما بين السطور
أهم المواضيع اللي هتفيدك:
الدراسة والوقت
إذا كنت من الفئة ( 3 ) فغالبا ما يكون السبب الدراسة في الثانوية أم الجامعة
إذا كنت في سنة شهادة ثانوية ركز فيها قبل كل شيئ
أما غير ذلك فالدراسة لن تستهلك كل هذا الوقت إذا مكثت خمس ساعات يوميا فقط بتركيز شديد دون مشتتات
يكفيك هذا القدر جدا
أنا الآن في 2 ث في مصر 16 سنة
والحمد لله متفوق تقريبا في الدراسة وأضع اهتمام أكثر من خمس ساعات للكورسات وكذلك إذا فقط ذاكرت 4 أو 5 ساعات مركزة للدراسة أجني الكثير.
فالخلاصة اهتم بتنظيم وقتك وأنت في تلك المرحلة لأنه ممكن جدا وهذا مثال حي أمامك.
أذاكر الكورسات بالترتيب
مذاكرة الدروس بالترتيب من المستوى الأول يعتمد على مستواك
فإذا كنت من الفئة ( أ ) أو ( ب ) الأفضل أن تبدأ من كورس الصوتيات ثم تبدأ بالترتيب من تعلم من الصفر
إذا كنت حاسس إن مستواك ضعيف تبدأ بالترتيب
وطبعا قلنا الفئة ( ج ) تتعلم من Taleek
ازاي أذاكر الدروس
استمع للشرح مرة ثم بعد ذلك ذاكر الدروس الجديدة ويستحسن وقت الفجر
وبعد ذلك في خلال اليوم كله في أي وقت شئت استمع للشرح مرة أخرى.
لكي تستمتع بالمذاكرة جرب تلك الطريقة
اقرأ الجملة وبعدين مثلها بصوت عالي كإنك بتقولها لحد قاعد قدامك
مثلا الجملة فيها حالة غضب مثل وإنت غضبان وقلها بصوت عالي وكرر ده في الجمل كلها.
أحفظ الكلمات الجديدة بالورقة والقلم
لو مستواك ضعيف اعمل كده بس متكثرش أفضل طريقة هي التي في عنوان [ ازاي أذاكر الدروس ]
لو إنت من الفئة ( أ ) أو ( ب ) اكتف بتكرار الجمل على تلك الطريقة وتلقائيا [ بالمراجعة ] ستحفظها.
المراجعة
لكل الفئات من الأقل وقت متاحا إلى الأكثر ( 3, 2, 1 )
يجب وجوبا تاما تخصيص ساعة في اليوم كأقل تقدير للمراجعة.
حقا إذا أردت أن تحفظ الجمل دون المكوث ساعات على حفظها ودون الحاجة إلى تدوينها في كراس منفصل وتحفظ بسرعة كبيرة وتوفر وقت، إذا طبق تلك [ المراجعة ] كل يوم، وإذا في يوم من الأيام لم يتبق لك إلا ساعة راجع فيها القديم ولا تذاكر جديد. وراجع بنفس طريقة المذاكرة في عنوان [ ازاي أذاكر الدروس ]
عدد الدروس في اليوم
من الفئة ( 3 )
ذاكر أقل حاجة درسين في اليوم جداد وبرده حسب صعوبة الدرس عليك لو شايف إنه ثقيل بعد ما سمعت شرحه وذاكرته وسمعته تاني كفاية عليك درسين جداد وساعة المراجعة.
من الفئة ( أ ، 1 ) أو ( ب ، 1 )
ذاكر 4 دروس جداد على الأقل في اليوم من كورسات مختلفة عشان الملل ومتتخضش من الرقم مستواك جاهز لكدا ولو لأي ظرف بتهتم بحاجة تانية حاول تهتم بالإنجليزي الأول وتركز فيه ولو مش هينفع خلاص كفاية 3 دروس.
ومتنساش أقل حاجة بالنسبالك ساعة مراجعة ولازم تزود عن كدا لإن مستواك يسمح ووقتك يسمح.
ألخص ورا الأستاذ
هتسمع كثير في المستوى الأول الأستاذ بيقول تكتب ملاحظات ولكن ده عشان مكنش فيه pdf ساعتها أو كتب إنت كل ما عليك في النقطة دي وفر وقت واشتري الكتب أو وفر وقت ونزل الـ pdf متلخصش أي حاجة
لو في حاجة تكتبها مش موجودة في الـ pdf عندك اكتبها على الورق الجاهز نفسه مش لازم تكتب الدرس كله لإن إنت كدا هتستهلك وقت.
الكتب أم الـ pdf
يمكنك أن تدرس من أي منهما لذا إذا ذاكرت في أحد منهما لا داعي أن تذاكر في الآخر.
Pdf
تقريبا لا تحتوي على أخطاء وإن احتوت فهذا سهو في المونتاج في الفيديو وجل من لا يسهو.
فالأستاذ ينبه في التعليقات على مثل هذه السهوات لا تقلق قليلة جدا.
إذا في أسئلة في الدرس نفسه بتكون موجودة وفي بعض الكورسات موجود واجب وأسئلة في الـ pdf أكثر من الفيديو مثلا كورس writing skills.
الكتب
بها أخطاء نعم ولكن أخطاء قليلة في هجاء بعض الكلمات ممكن التغاضي عنها وتقل بزيادة مستوى الكتاب.
لا يوجد به الأسئلة التي توجد في الـ pdf.
في معظم الدروس يوجد بعد كل درس واجب عبارة عن ترجمة جمل الدرس من العربية للإنجليزية
والمستوى الثالث الأسئلة بالإنجليزية عدا كورسي I Know , Coffee Break
وجودة الكتب بزيادة المستوى تزداد. حاليا [ 2024 م ] لا يوجد كتاب المستوى الرابع لأنه لم ينتهي بعد كما سيتم مناقشته في عنوان [ هل انتهت كورسات المستوى الرابع ]
أين أجد الـ pdf
لو خلصت مستوى وعايز أراجع أعمل إيه
لو بتتبع طريقة [ المراجعة ] كل يوم ساعة على الأقل مش محتاج خالص تراجع وكمل في المستوى اللي بعده تاني يوم الصبح.
ولكن لو إنت دلوقتي مخلص مستوى ومكنتش بتراجع تعمل إيه
لو إنت من ( 1 ) أو ( 2 ) حددلك 3 ساعات مراجعة الصبح على الكورسات ويستحسن تنوع فيهم عشان الملل
وتراجع بنفس [طريقة المذاكرة ج٢] عشان متفوتش معلومة نسيتها بالليل تراجع ساعتين كمان ومش شرط بالليل في أي وقت تاني المهم تعمل 5 ساعات أو عدد ساعات محترمة إنت بقى توزعهم تفرقهم حسب مصالحك. كده هتخلص المستوى في أقل من أسبوع.
لو إنت من الفئة ( 3 ) حدد لك في اليوم 3 ساعات وبنفس الطريقة هتخلص في أقل من أسبوعين.
كيف أتحدث بسرعة دون التفكير بالعربية
عليك مشاهدة هذا الفيديو به نصائح رائعة، كثير من الطلاب طبقوها وأحدثت فرقا معهم.
طريقة لممارسة اللغة تجعلك أن تتحدث الإنجليزية بطلاقة في 120 يوم
وإذا كنت تتحدث مع نفسك كثيرا فبدلا من أن تتكلم بالعربية اكسر حاجز خوفك وتحدث بالإنجليزية لم يمض أسبوع وجربت تلك الطريقة بما أنني أمضي الكثير من الوقت في التحدث مع نفسي والآن أنا بالفعل أسرع مما سبق بكثير.
شعار zamericanenglish
NOS SUMUS ORTI IN CINIRE
الأستاذ إبراهيم تكلم عنه قبل ذلك ومعناه لننهض من الرماد.
نصيحة
إذا كنت تبحث حقا عن تعلم أي شيئ ركز فيه فقط وأعطه غالب وقتك، أغلق كل المشتتات عنك من:
ألعاب Games - جروبات واتس - فيسبوك - صحاب - خروجات - أنمي - أفلام - وغيرهم …
كل واحد عارف مشتتاته إيه
اقفلهم كلهم من حياتك خالص للأبد.
واعلم أن الدنيا قصيرة جدا اصبر فيها وسيرضيك الله في الآخرة بإذنه.
نحن لم نخلق للمتعة والترفيه بل خلقنا لنعبد الله فقد قال الله - تعالى - وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ (56) مَا أُرِيدُ مِنْهُم مِّن رِّزْقٍ وَمَا أُرِيدُ أَن يُطْعِمُونِ (57) إِنَّ اللَّهَ هُوَ الرَّزَّاقُ ذُو الْقُوَّةِ الْمَتِينُ (58). (سورة الذاريات).
ماذا يعني أن نصبر لحد أقصى في حياتنا أقل من قرن؟
متوسط عمر أمة النبي محمد ﷺ ما بين الستين للسبعين. ألا نقدر أن نصبر فيهم على متاع الحياة الدنيا ونهتم بالآخرة ونجاهد في طلب العلم؟
الآن كل ما يحب أن يشغلنا اثنان:
العمل لآخرتنا.
إعادة مكانتنا بين الأمم.
إعجابَين (2)
ولع النور ما بين السطور للأعضاء الجدد أو الناس اللي مرتبكة ومش عارفة تبدأ ازاي هنا في إجابات معظم الأسئلة تقريبا
حتى الآن 39 عنوانا
إعجابَين (2)