بسال علي مستويات الكورسات بتساوي level اي

[Ayahh]

محتاجه اعرف المستوي التاني من الكورسات تعادل level ايه

[MuhammadAhmed]

المستر لم يصرح بالتقسيمة دي
بس المستوى الاول هو المبتدئ من اول A1 مثلا
والمستوى الرابع هو المفترض مستوى المتحدث الأصلي وان شاء الله مش هيقل عن C1 ان مكنش C2

بس طبعا لازم ممارسة التحدث دائما، كل يوم، في اي موقف او اي مكان عشان يبقا فيه نتيجة ملموسة للتحدث

الملخص

في البداية الموضوع ممل، وصعب، وكأن مفيش اي تحسن ابدا، بس ده كله هيقل تدريجيا وببطء عادي
بس في وقت من الأوقات ان شاء الله تكوني فخورة بالتحدث عندك وانا شخصيا فخور بمستوايا في التحدث بس طبعا انا في المستوى الثاني وقربت اخلصه عشان ميخصلش عندك اي مقارنة يعني

[slman2]

الأستاذ قال أنه لم يصمم المستويات بمقياس المستويات الأوروبية

لكن بشكل تجريبي يمكن القول أن

المستوى الأول يعادل a1 و a2
والمستوى الثاني يعادل b1 و b2
والمستوى الثالث يعادل c1
والمستوى الرابع يعادل c2

---

لو حضرتك تعرفي
British Council’s free Core Skills English test
ودا اختبار بيقيس المستوى

أنا أخذته من حوالي اسبوع، وأنا حاليا في بداية المستوى الثاني، قال إن مستوايا b2

ودي الدرجات الي خدتها

Grammar 411 of 600
Reading 425 of 600
Vocabulary 397 of 600
Listening 483 of 600

أنا طبعا لما شوفت نتيجة الاختبار عرفت أنه بيبالغ، لكن حتى لو بالغ فأكيد مستوايا مش هيقل عن a2 وأنا مخلص المستوى الأول ولسة بادئ في المستوى الثاني قريب

[mohamed_Ibrahim]

بعد الانتهاء من المست،ى الرابع ستصبح مثل المتحدث الاصلي

[Ayahh]

انا فعلا عملت وقلي b1, وانا لسه مخلصه ليفيل 1 ولسه بهتدي في التاني

[slman2]

جميل جداً جداً
وأهم من كلام الاختبار إيمان حضرتك بنفسك
يعني حضرتك شوفي ايه هي فعلاً نقاط ضعفك وركزي عليها لحد ما تتحول لنقطة قوة

أنا كسلمان عندي مشكلة وهي قلة حصيلتي اللغوية، لما بقرأ كتاب، أو مجلة، أو حتى رواية، على الأقل خالص بلاقي ١٠ كلمات مش عارف معناها

لما بسمع مثلاً كرتون أطفال زي دورا، بفهم كل حاجة، وده لأن الكرتون موجه للأطفال الي عندهم ٣ - ٤ - ٥ سنين

أنا متذكر اني اتفرجت على حلقات كتير من دورا، وطلعت منهم بكلمة واحدة جديدة، وهي hiccup معناها زوغوطة

لما مثلاً بتفرج على كرتون زي نينجاجو، هو برضو كرتون للأطفال، لكنه مثلاً لعمر ٧ -١١ سنة، فبطلع كل حلقة بكلمات جديدة

---

الخلاصة من كلامي الكتير دا ، هو أنه مش هيعرف مستوى حضرتك إلا حضرتك، فاكتشفي نقطة ضعفك وحوليها لنقطة قوة