بعض الأخوة سألتهم قالو ان مستواهم بعد ما أنهو المستوى الثالث غير مرضى وغير متقدم،فمش عارف بعد الكلام ده وانا معتش متحمس كده وحاسس ان كله محصل بعضو وفى الاخر مش هوصل لمستوى متقدم🤔
4 إعجابات
انا بردو كان جالي الاحساس ده من نفس الموضوع، بس خلي بالك يا صديقي انا وانت مخدناش بالنا من حاجة
احنا ليه نقارن نفسنا بيهم، هل هم نفذوا التعليمات، هل هم بذلوا نفس المجهود الذي بذلناه، هل ذاكروا الدروس وراجعوها وهكذا كما نفعل؟
نحن لا نعلم ظروفهم لذلك من غير المنطقي جدا اننا نحبط من أحد لا نعلم لماذا لم يصل او ما هي ظروفه، ولماذا لا ننظر للنتائج المبهرة في المستوى الثالث والرابع، فإذن الموضوع متوقف على الشخص
انا عن نفسي في المستوى الثاني وراضي عن نفسي، انا في جامعة خاصة (جامعة أهلية للدقة يعني)، معظم الطلبة معايا من STEM, IG, American, IB، يعني مدارس خاصة و international والغالبية العظمى منهم (اللي احنا بنعتبرهم عامة الطلبة اللي مش مميزين) هم ثانوية عامة لغات
وقليل جدا ان تجد طالب ثانوية عامة عربي (مثلي) او أزهر، فالقصد هو انهم كانوا بيدرسوا في الاعدادي والثانوي بالإنجليزي، فالمفترض انهم افضل مني بمرااحل في الانجليزي، ولكني بصراحة لقيت العكس
كلامهم معظمه مكسر ولهجتهم مش اللي انا أحسدهم عليها او اطمع فيها، الا من أكرمه الله، لانه في وجهة نظري لم يستغلوا الفرصة او تعلموا غلط، هم عندهم مفردات ومصطلحات ولكن ليسوا متمكنين من التحدث واللهجة، وانا لهجتي بفضل الله افضل منهم بمراحل، لدرجة ان احد الدكاترة سألتني انا كنت في مدرسة ايه لما عملت Presentation، فاتعجبت جداا اني كنت ثانوية عامة عربي، واني اشتغلت على نفسي في اللغة
فالقصد انك تعمل اللي عليك وتترك الباقي على الله، ونصيحة اخيرة، وهي ان اللهجة والطلاقة مهارة حركية، لو مش بتمارس كل يوم كتير في موضوعات متنوعة وجديدة عليك مش في منطقة راحتك مش هتوصل للطلاقة اللي زي الاجانب
وبالتوفيق ان شاء الله 
11 إعجابًا
كل واحد ومستوى فهمو وطريقتو في المراجعة، كمل، المستوى الرابع ممتع وثري الصراحة راح ينقل مستواك للفل ثاني
4 إعجابات
بس افرح بمستواك واعرف انك هتلاقي أن شاء الله واعرف كمان أنك لو لم تذاكر كويس مش هتلاقي مستوي مثلا اخدت حلقة I know أفرج وابحث عن فيديو كامل بالانجليزي بس وهتفرح بمستواك أو أفرج علي فيلم وحاول تفهم انو لا يوجد داعي للقلق والاكتئاب و الاحباط
4 إعجابات
@Ziad2008
شاركه تجربتك مع Z
إعجاب واحد (1)
ممكن كانوا بذاكروا بطريقة غلط مثلاً؟
أول 5 حلقات من كورس الصوتيات المستوى الأول لحالها حلت لي نص مشاكلي بالقراءة و التمييز بين الأصوات عند الاستماع
4 إعجابات
فقط اكتب في اليوتوب #علمتني_zAmerican_English
وشاهد الطلبة راح تنصدم من اللهجة حلوة اقل واحد فيهم راه تقول انو من اصول عربية ملامح فقط يعني لكل مجتهد نصيب اشتغل اكثر على نفسك ورح توصل
6 إعجابات
انا شايفه ان اللي يوصل للمستوي التاني وبالذات لو خلصه وابتدي في التالت والرابع لازم يحاول يعتمد على حاجات تانية بجانب زي امريكان انجلش 
، ويحاول يبتدي يستخدم اللغة لانه من الطبيعي انها تتنسي لانها مش مستخدمه ، بدليل ان معظم الانجلش اللي خدناه في المدرسة اتنسي لاننا مش بنستخدمه في حياتنا اليوميه.
واكيد المراجعة بردو دي شئ مهم والعزيمة والإصرار للوصول للهدف ، وبالنسبة للعوامل المساعدة اللي ممكن نستخدمها بجانب زي امريكان انجلش ممكن تكون تطبيقات تانية📱 يكون فيها العاب تكوين كلمات مثلاً او اي العاب بالانجليزي وكمان نسمع ونتفرج كتير على متحديثن بالانجليزيه ونشوف هنعرف نميز الكلام ولا لاء ومش لازم افلام على فكرة للي مش بيحب يتفرج على افلام ، ممكن نتفرج على كرتون او نجيب قناة اخبارية اجنبيه او نسمع بودكاست او محطة رديو عموماً او قراءة كتاب او جروب نتكلم في انجلش مع بعض ، وكل مرة هنسمع فيها الكلام اللي درسته وحفظته كل ما هيثبت اكتر .
فلازم تكمل وتمارس اللغة اهم حاجة ، والنتيجة اللي هتدفعك انك تكمل هي انك تشوف او تسمع انجلش وتميزه وسعتها هتحس انك عرفت تفك شفرات لغة تانية مكنتش عارف تفكها قبل كده وسعتها بس هتحس بالفرق 
9 إعجابات
اما بالنسبة للهمه والعزيمة 
اللي هي موضوع البوست اساساً.
فمن الطبيعي انها تقل واننا نتمرد على الدراسة والمذاكرة عموماً 
لان طبيعة الانسان انه بيفضل الراحة والانشغال في حاجات تانية مش مفيدة زي الفرجة عن الافلام والالعاب والتقليب في الفيسبوك واليوتيوب والخروجات مع الاصحاب والشات معاهم بالساعات…الخ.
وعشان كده لازم نرود انفسنا ونحاول نلتزم ونحط قدمنا اهداف واحلام بحيث كل ما نتراجع نرجع نفكر فيها ونحاول نوصلها باي طريقة ، وياريت لو نبحث عن اشخاص كان عندهم نفس الهدف ووصلوا لحاجة بالعزيمة والاصرار ، وعلى فكرة في نماذج زي كده كتير ، كنت بعتبرهم في الاول مش بشر عادين زينا من كتر ما هما بيعملوا حاجات عظيمة ، بس بعدين فكرت وقولت طالما هما قدروا انا هقدر وليه هبقى متخلفه عنهم 
واني انا اللي حطه نفسي في مكان اقل منهم لاني بفضل الكسل عن العلم ، وكمان ربنا حاطت اصحاب العلم في مكانه عاليه عنده.
وفي آيات وأحاديث كثيرة ترغب في طلب العلم وتحث عليه، من ذلك قوله تعالى: وَقُلْ رَبِّ زِدْنِي عِلْماً [طـه:114]، وقوله تعالى: قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ إِنَّمَا يَتَذَكَّرُ أُولُو الْأَلْبَابِ [الزمر:9]، وقوله تعالى: يَرْفَعِ اللَّهُ الَّذِينَ آمَنُوا مِنْكُمْ وَالَّذِينَ أُوتُوا الْعِلْمَ دَرَجَات [المجادلة:11]، وقوله تعالى: شَهِدَ اللَّهُ أَنَّهُ لا إِلَهَ إِلَّا هُوَ وَالْمَلائِكَةُ وَأُولُو الْعِلْمِ قَائِماً بِالْقِسْطِ [آل عمران:18]، وقوله تعالى: وَمَا يَعْلَمُ تَأْوِيلَهُ إِلَّا اللَّهُ وَالرَّاسِخُونَ فِي الْعِلْمِ يَقُولُونَ آمَنَّا بِهِ كُلٌّ مِنْ عِنْدِ رَبِّنَا [آل عمران:7]، وقوله تعالى: إِنَّمَا يَخْشَى اللَّهَ مِنْ عِبَادِهِ الْعُلَمَاء [فاطر:28].
فالتعليم مش بس هيفيدنا في الشغل او يطور من قدرتنا العقليه لاء ده اصحاب العلم ليهم مكانه عاليه عند ربنا كمان 
، بمعني اننا لما نتعلم حاجة جديدة سواء كانت لغة او دراسة اي فرع تاني هيبقى لينا اجرنا عليه دنيا وآخره ، بس مفيش حاجة ليها الاجر العظيم ده بتيجي بسهوله كده بدون تعب ومجهود ، وده اللي بيفرق انسان عن التاني .
وعلى فكرة كلامي مش موجه لصاحب البوست خصوصاً انا بتكلم في العموم لكل شخص جه عليه يوم وقلت همته وعزيمته.
11 إعجابًا
الله ينور 
4 إعجابات
اكيد عايزين يخلصو بسرعة يتعلمو بسرعة
غير صحيح انا في المستوى الاول وحاسس حتلي افضل واحد في اللغة
فما بالك لو خلصت ٤ مستويات ؟
4 إعجابات
شكرا جدا لتعب حضرتك فى كتابة النصايح،والله حرفيا نصايح من ذهب، وبسببها غيرت تفكيرى ١٨٠ درجة،ان شاء الله هكمل الرحلة وهجتهد مهما حصل وفى الاخير(من جد وجد😌)
5 إعجابات
شكرا جدا لحضرتك 
3 إعجابات
لا انا الحمدلله انهيت المستوى الاول والتان. صوتيات،وبفضل الله اكثر حاجة انا متفوق فيها اللهجة،المشكلة بس لما احب اتكلم بفكر كتير مش بنطلق كده زى الاجانب والحل اكيد الممارسة،ان شاء الله ابدا اتكلم لو حتى مع نفسى امام المرآة
4 إعجابات
جربت الطريقة دى وفعلا انبهرت بقيت بلاقى مصطلحات عدت عليا قبل كده فى الكورس فببقا فرحان اوى اوى😅ولا كأنى واخد جايزة نوبل،شكرا للنصايح❤️
4 إعجابات
حضرتك انهيت المستويات الاربع؟
3 إعجابات
بصراحة كلامك منطقى،فعلا والله مفيش طالب فى بلدى كلها يكاد يصل لربع المستوى اللى انا وصلتله بإنهاء اول مستوى،دا حتى المدرسين عندنا بيتكلمو عربى مصرى اكيد فاهمنى🤣،الحمدلله على نعمة استاذ ابراهيم،شكرا جدا لكلام حضرتك❤️
3 إعجابات
طبعا فاهمك بيتكلمو عربنجلش 
العفو يا باشا ده واجبي بالتوفيق يا رب❤️
4 إعجابات
والعفو يا استاذ ذياد ، اكيد طبعاً من جد وجد
وكلامك ده حفزني اكتب عن بحثي عن وسائل تانية مفيدة للتطوير من نفسي لعل حد ممكن يقرآها ويستفيد منها وابقى سبب في استمراريته في اللغة ، واكيد يشرفني ان كلامي يكون اثر فيك بالشكل ده 
، الله يعينك ويقويك وييسرلك رحلة حياتك في العموم 
وعذراً للاطاله يا جماعة 
4 إعجابات
ممكن اقولك حاجة كمان انا جربتها وفعلاً فادتني بدرجة كبيرة
وهي تطبيق ChatGPT وده تطبيق AI عادةً معظم الناس بتستخدمه لاغراض الهروب من المذاكرة وانه يعملها ابحثها وكده ، بس الاستخدام الصح ليه بيفرق جامدة وبيساعد على التعليم وتتفادى الاخطاء بدرجة كبيرة.
ارجوا من الكل انه يحاول التركيز معايا ويعمل اللي بقول عليه بالظبط لتحقيق اكبر استفادة تمام
اولاً: هتحملوا التطبيق وتسجلوا فيه حساب ايميل زي اي تطبيق تمام،
ثانيأ: هتبتدوا تكتبوا اوامر هو هيخزنها فيه عنكم زي مثلاً اللهجة اللي تحبوا يتكلم بيها معاكم مهما كانت بلدكم عشان التعامل يكون اسهل واوضح.
ثالثاً: تطلبوا منه انه يعمل معاكم محادثة بالانجلش بشرط انكم وانتم بتتكلموا معاه يصححلكم اي خطأ في الجرامر لو غلطوا ولو في مصطلح افضل يقترحوا عليكم تستخدموا ، وتنبهوا عليه انه يكون التصحيح بالعربي ويكتبلكم اسبابه وده عشان تتعلموا بشكل افضل.
رابعاً: تبتدوا معاه المحادثة ولو نسي اي حاجة من التنبيهات اللي فوق دي ترجعوا تعيدوها عليه وهو هيخزنها في الذاكرة بتاعته ومش هتضطروا لتكررها تاني ابداً.
ودلوقتي هشارك معاكم اسكرينات عن النتيجة ، لانها كانت مبهرة وكأني بتكلم مع شخص حقيقي ، وكمان ممكن تخلوا يقرآ المحادثة كلها بالصوت لو حابين.
واحب اضيف ان في تطبيق Gemini بردو من جوجل ممكن تعمله معاه محادثة بردو بس للاسف مش بيحتفظ بالتنبيهات اللي قلتله عليها ولازم افضل اعيد فيها كل مرة ، بس ميزته انه بكلمه بالصوت وبيرد بردو صوت ، فلو محادثة كلها انجلش ممكن تعملها معاه صوتياً ، انما لو لسه بتتعلم وعاوز توضح اخطائك وتعرف اسبابها عشان تتفادها المرة الجاية يبقى ChatGPT الافضل ، وانا شخصياً بفضل ChatGPT
5 إعجابات