هناك فرق كبير بين [ Do you know ] و [ Did you know ]
ولكي نعرف الفرق ده لازم الأول نعرف إن:
في اللغة الإنجليزية السؤال عن المعرفة يأتي بصيغتين.
بغرض الاستفهام
هل تعرف عملة اليابان؟
هل عندك علم بمكان كذا؟
هل تعلم أين يوجد فلان؟
كل دي أسئلة بغرض الاستفهام وعايز أعرف إجابتك فعلا.
في الصيغة دي بسأل بـ [ Do ] ما دام بسأل في الحاضر
أمثلة:
?Do you know michael
بسأل طفل صغير مثلا بقله إنت عارف ازاي تروح البيت.
?Do you know how to go home
في المثالين دول بسأل ومستني منك إجابة لإني بسأل بغرض الاستفهام أنا معرفش.
بغرض الإخبار
في المقابل بقى في صيغة تانية للسؤال عن المعرفة وهي الإخبار. ازاي؟
بقلك مثلا:
هل تعلم أن 85% من نباتات العالم موجودة في الماء
هل في المثال ده بستفهم منك واللا بقلك معلومة؟
الإجابة: أنا بقلك معلومة مش بستفهم. النوع ده بقى هوا اللي بنستخدم معاه صيغة الماضي.
في العربي بنقول
هل تعلم؟
في الإنجليزي بنقول
هل كان عندك علم؟
كان ماضي فهنستخدم في الصيغة دي [ Did ] فنقول مثلا:
?Did you know horses like to eat oats
دلوقتي دورك بقى اشوفك في معلومة جديدة وابقى قلي رأيك إيه تحت والسلام عليكم ورحمة الله وبركاته
“Do you know that I nearly answered all the questions about zAmericanEnglish in just one post?”
． The example is true
． The example is false