انا الحمد لله بقالي كتير مكمل الكورس
ولكن عندي مشكلة مش مخلياني اعرف اتكلم
انو انا كل ما اتكلم احس بشعور أشبه بالصداع
فأرجو اي حد أو اي شخص يقول هل ده طبيعي ولو عند حد قريب دكتور نفسي او عصبي ياريت حد يرد عليا
الله يجزيكم الخير ارجوكم ردوا
انا مش متخصص لكن ربما الموضوع توتر زائد
متخفش مهما كان مستواك فدي لغة ثانية
انت احسن من ناس كتير أمريكان مش بيفهموا غير الانجليزي
انت بتفهم العربي (اللي بالنسبالهم طلاسم، وشوف كده الاجانب اللي بيتعلموا عربي، بيتعبوا اكتر مننا بكتير 
) وبتفهم الانجليزي اللي هي لغتهم اللي متعلموش غيرها
واذا كنت بتتكلم كده لانك لسه مبتدئ، فدي البداية اللي لا بد منها، بل انها البداية اللي كان المستر عندها، المستر كان التحدث عنده زي اي مصري، ودرس اللغة الانجليزية كلغة ثانوية على حد علمي (شاهد بودكاست د. ايهاب مسلم)، كنت بسمع الكلام ده زمان وبحس انه مجرد كلام، لكن دلوقتي انا اللي بقوله، فثق بي استمر وتوكل على الله وربنا هيوفقك بإذن الله
في البداية هتحس ان مفيش تحسن وان النهاردة زي امبارح زي اول زي اول، لكن مع الوقت هتلاحظ مستواك واللي حواليك هيلاحظوا
انا حاليا افضل من كل زملائي في الجامعة اللي هم اصلا معظمهم لغات ومدارس international ولا ابالغ ان قلت ان اللهجة عندي افضل منهم ومن دكتور اللغة الانجليزية عندنا
لكن التدريب مع التعلم هو السبيل الوحيد لإتقان التحدث مع الاعتماد على الله سبحانه وتعالى