انا خلصت تعلم كما الغرب و القراءه و الصوتيات
ادخل بعد كده ع ايه
يعني الخطه الموجوده ع القناه حاسه اني في كورسات زياده او ناقصه عن الي في التطبيق
امشي بترتيب التطبيق مثلا ولا اي
فياريت لو حد خلص المستوي التاني يقولي اكيد هيكون عانده خبره و عارف انهي افضل ترتيب
طب عندي سؤال معلش انتي خلصتي المستوي الاول قبل ما التطبيق يتحدث ولا بعد + في تحسن مع المستوي التاني ولا لا
ملاحظة: أنا في بداية المستوى الثاني ولم أنتهي منه، وهشارك مع حضرتك الخريطة اللي عاملها لنفسي
كورس التفكير بالإنجليزية دا يعتبر الجزء الثاني من كورس تعلم من الصفر، فمهم مذاكرته في البداية
مع كورس الاستماع
وكورس الاستماع آخر حلقتين فيهم أجزاء محذوفة، تقدري تلاقي الكورس كله في قائمة التشغيل دي
https://youtube.com/playlist?list=PL2RFE9ZchNyzjv6WRMnIf5deDsXzDPDx8
أو تقدري تتفرجي على الجزئين المحذوفين فقط:
الجزء المحذوف من الحلقة السادسة:
الجزء المحذوف من الحلقة السابعة:
كورس المحادثة مع كورس Tell Me A Story
كورس القواعد مع English Bits
كورس الأخبار مع الكوميديا
شفرة أمريكا مع ذا أميريكان ستوري مع حلقات قناة English Bee 
شفرة أمريكا الحلقة العاشرة مش موجودة على التطبيق، لكن موجودة على قائمة التشغيل دي
https://youtube.com/playlist?list=PLOoGzsktOeNaw4V-Vy6cYCpifane5R1CX
ذا أميريكان ستوري كورس ملغي، ممكن حضرتك تتخطيه لأنه مش مدرج في الخارطة تم نزول ١١ حلقة منه ثم تم استبداله بكورس Tell Me A Story
وتقدر تلاقي الكورس دا بالترتيب الصحيح هنا:
https://youtube.com/playlist?list=PLOoGzsktOeNbAa53JMv9aZhU8uhl2XDoO
و English Bee هي قناة كان الأستاذ عملها لتعليم الانجليزي بالانجليزي، لكنه لغى المشروع
والحلقات المتبقية موجودة في قائمة التشغيل دي
https://youtube.com/playlist?list=PLChAijVRz7EucOqZhwQqo26eox8D8hl8F
بالنسبة لكورس الكتابة فأنا مش حاططه في الخطة لأني غالباً مش هشوفه 
لأني ما شوفتش الكتابة المستوى الأول
نعم عادي نفس ترتيب التطبيق
اه طبعا في تحسن كبير جدا
بصراحه بنسبالي اهم كورس هو كورس الصوتيات ده بجد في حته تاني
انا مخلصه المستوي الاول من وقت بدايه قناه طليق 
فضلت فتره طويله موقفه
بس رجعت اهو بحماس
ان تاتي متاخر خير من ان لا تأتي ابدا 
شكرا لحضرتك جدا تعبتك
الشكر لله، لا مفيش أي تعب خالص
وصلتي لفين دلوقتي وهل المستوي الاول ارخم من التاني ولا العكس + قوليلي الخطه بتاعتك عشان انا لسه هبدا في المستوى الثاني النهارده
انت ازاي جبت الاجزاء المفقوده من الدرس بجد واو
ده حتي مش موجوده علي التطبيق
كنت لسه داخله اسأل بس قولت اراجع الي كتبته الاول
بس محتاجين نكلم المستر في الحاجات الي زي كده
لان هو بيقول الاجزاء هتلقوها علي التطبيق
وفي النفس الوقت التطبيق بيكون محمل الحلقة كلينك من اليوتيوب
الشكر لله، أنا ما عملتش حاجة
زمان أيام التطبيق القديم (الأزرق) كان الأستاذ بيرفع الحلقات على التطبيق قبل ما تنزل على اليوتيوب
وبعض الحلقات اللي بيكون فيها مقاطع من أفلام أو كلام شائك اليوتيوب بيمنعه، كان الأستاذ بينزل على يوتيوب الجزء المسموح به، والحلقة الكاملة بتكون على التطبيق (القديم)
كورس الكوميديا مثلاً ممنوع عشان فيه لقطات عليها حقوق ملكية
وفيه بعض الحلقات مش موجودة في الكورسات حالياً
زي حلقة صائد الطيور من كورس tell me a story
لأن فيهم كلام بيزعل يوتيوب، لكن فيه أشخاص حملو الدروس ورفعوها على قنواتهم، يوتيوب مش واخد باله منهم، لكن لو نزل على قناة الأستاذ، القناة هتاخد انذار عشان قناته كبيرة ومعروفة
حلقة صائد الطيور من كورس tell me a story:
أما حالياً التطبيق الجديد بياخد الحلقات من اليوتيوب فبتكون ناقصة أو مش موجودة
اهلا بعودتك اخي سلمان 
بس حابب اسالك سؤال :
كورسات المستوى الثالث كاملة ؟ ولا في نقص
يعني لو الواحد أنهى المستوى الاول والثاني ودخل عالثالث … رح يكون في فائدة ؟ ولا كيف ؟
أهلاً بك يا أخي
لما كان الأستاذ في فترة كورسات المستوى الثالث وانتهى من كورسات المستوى الثاني والأول، حدثت مشاكل كثيرة في تلك الفترة، حيث كانت الكورونا، وأصيب الأستاذ بكورونا مرتين، ورجع الأستاذ من هونج كونج إلى مصر، وكان منشغل ببداية مشروع طليق
فنتج عن كل تلك العقبات أن الحلقات كانت تتأخر كثيراً، وبسبب التوقف عن إنتاج الدروس كل فترة بسبب مشكلة من المشاكل السابقة، سئم الطلاب من طول المستوى الثالث واستعجلوا الأستاذ للدخول في المستوى الرابع
وكان الأستاذ مخطط من البداية على كورسات كثيرة في المستوى الثالث، ألقِ نظرة على الصورة التالية:
شوفت كام كورس؟
لكن للأسف تم إيقاف بعض الكورسات مع حلقات قليلة مثل كورس الاستماع، نزل فيه حلقة واحدة فقط
وكورس coffee break فيه حلقات قليلة
وتم الانتقال للمستوى الرابع، وتم ختم المستوى الثالث ولن ينزل فيه أي حلقات جديدة
فرداً على سؤالك المستوى الثالث كامل وتستطيع دراسته ولن يتم إضافة أي حلقات جديدة له
الله يجبر بخاطرك اخي سلمان ويقويك
هذا المنتدى رائع بسببك والله وامانتك بالاجابات
جزاك الله خيراً يا أخي على دعواتك
لا أريد أكثر من ذلك
شكراً لكِ، أنتِ من شجعتيني لإفراد مقالٍ حول الحلقات المفقودة
وقد حاز على إعجاب الكثيرين، مقال: المحذوف والمفقود والمغمور
استطراداً في الرد على سؤالك، المستوى الثالث مكتمل كما قلت، لكن بعض حلقات كورس الآيلتس قد تبحث عنها ولا تجدها، لا على اليوتيوب ولا على التطبيق، وأنا قد كتبت عن كيفية الوصول إلى تلك الحلقات في مقالي المحذوف والمفقود والمغمور
