السلام عليكم
دائما بتسائل حول كورس المحادثه في ازاي اقدر استفاد منه؟
أنا لو شفت الكلام هفهمه لكن يطلع مني انا مش بعرف اطلعه واركبه صح
دلوقتي لازم احفظ المحادثه كامله وامثلها؟
طيب لما اعمل كده مش معناه اني مش بستخدم عقلي وانا بتكلم بل بعتمد على حاجه حفظتها؟
ومرات ممكن انسى الي حفظته ف ارجع اركب الجمل غلط مثلا؟
ف ايه الحل اعمل ايه بالظبط بالمحادثات اذاكرها ازاي
3 إعجابات
حاولي يا سما أنك تكرري المحادثة أكثر من مرة بحيث يصير نطقها سهل وسريع معك مثل الاستماع بالظبط وبالنسبة للكتابة فحاولي أنك تكتبي الجمل أكثر من مرة باليوم بفترات مختلفة ومع المراجعة إن شاء الله بيصير سهل
إذا بدك تدريب مثلا اليوم حلقة وبكرة حلقة واليوم ألي بعده راجعي فيه الحلقتين والي بعده حلقة جديدة وتاني يوم حلقة جديدة والي بعده راجعي فيه الأربع حلقات وهكذا
4 إعجابات
م دا الي محيرني أنا كده هحفظها ومش هقدر اكون جميل جديده بدماغي
لكن بالمستوى التاني اعتقد الموضوع واسعه عن كده لكني بالاول لسه بالمحادثه
3 إعجابات
لما حضرتك بتكرري الجمل وانتي فاهماهم بيدخلو العقل اللا واعي، وبتستخدمي الكلمات دي في محادثات أخرى، أو حتى بتستخدمي نفس الجملة
3 إعجابات
المستر قال ان احنا نذاكر باننا نكتب المحادثة في صفحة بالانجليزي فقط و الصفحة المقابلة بها الملاحظات بالعربي
وفي المستوى الثاني قال اننا نكررها ونمارسها لحد ما تترسخ وبعد كده ممكن نمثلها أمام المرآة
بس فيه طريقة حبيت أعملها وطبقتها في المستوى الثاني وهي اني سجلت المحادثات وعملت ملفات صوتية وسميت الشخصيات A, B مثلا واستعملت برنامج لمعالجة الصوت وجعلت أحد الشخصيتين صامتة
يعني الملف الصوتي فيه شخصين A, B مثلا، أنا عملت ملفين صوتيين كل واحد فيهم لشخصية مختلفة وفيهم مسافة عشان أنا أتفاعل (يعني اخد دور الشخصية الصامتة) فأنا أمارس المحادثة بالطريقة دي بعد ما تثبت في ذهني، وكذلك عملت ملفين صوتيين بس من غير مسافة الترديد و ملف صوتي به كلا الشخصين
أنا رفعت الملفات دي على ميديا فاير فاللي عايز ممكن يتواصل معايا ويدفع ثمن زهيد – أمزح طبعا الرابط أهه
ده للمستوى الثاني وانا لسه مخلصتش الكورس ده أصلا فلسه فيه ملفات هعملها وان شاء الله أشاركها معاكو لما أخلصها،، واللي في المستوى الأول ممكن يحاولو يعملو اللي انا عملته بس ان شاء الله هبقا أعمل المستوى الأول بس مش دلوقتي
آخر حاجة عايز اقولها: ان مش شرط حد يحفظ قطع عشان يتكلم بيها، دي لغة، اتكلم براحتك طالما واخد بالك من كلامك، وفي المستوى الثاني بندرس صيغ متعددة للمحادثة لها الغرض
بالتوفيق ان شاء الله،، دعوة بقا
3 إعجابات
إليك بعض النصايح للاستفادة بشكل أفضل من كورس المحادثة:
- فهم المواقف مش الجمل فقط: بدل ما تحفظي المحادثة كلها، حاولي تفهمي السياق. فكري في الموقف نفسه (زي طلب قهوة في كافيه، أو السؤال عن الاتجاهات) وفهمي الجمل المفتاحية اللي ممكن تساعدك في أي موقف مشابه.
- استخدمي الكلمات المفتاحية: مش ضروري تحفظي كل الجملة، لكن حاولي تفتكري الكلمات المفتاحية اللي تساعدك تبني الجملة بعدين بطريقة مرنة حسب الموقف. ده هيساعدك على استخدام عقلك أكتر من الاعتماد على الحفظ.
- تدريب التفاعل الطبيعي: بدل ما تحفظي المحادثة وتكرريها زي ما هي، حاولي تمثلي المواقف بطرق مختلفة. ممكن تبدلي الشخصيات، تغيري التفاصيل، أو تجاوبي على أسئلة مختلفة باستخدام نفس المفردات.
- الممارسة العملية: جربي تتكلمي مع ناس (أونلاين أو في الحياة الواقعية) بقدر الإمكان. حتى لو أخطأت، المحاولة المستمرة بتساعدك تتعلمي من الأخطاء وتطوري قدرتك على التحدث بشكل طبيعي.
- البناء التدريجي: مش لازم تركبي جمل معقدة من الأول، ابدئي بجمل بسيطة وزودي التفاصيل تدريجيًا مع الوقت. ده هيقلل الضغط عليك وهيساعدك تبني الثقة.
في النهاية، الهدف هو إنك تتعلمي تستخدمين الكلمات والجمل بحرية أكتر بدل ما تعتمدين على نصوص محفوظة.
إعجاب واحد (1)
بصراحه اشكرك جدا بجد وسعيده ان حضرتك شاركتنا الملف
إعجابَين (2)
الشكر لله بالتوفيق ان شاء الله
إعجاب واحد (1)