سلام عليكم حبيت ادي نصيحه تساعد الناس في المستقبل
عارف ان معظم الناس بتعاني من المشكلة دي 
ورقة المشتتات
ورقة المشتتات. تتفقوا معايا أن التشتت من أصعب مشاكلنا ككبار وكأطفال:question:
هعرفكم تكنيك من أقوى الطرق اللي استخدمتها مع نفسي أو مع الشباب والبنات بالدورات❗
ازاي نركز❓
إزاي لما نقعد نذاكر منقومش نجري كل ما افتكرنا حاجة جديدة 
ازاي لما نبدأ عمل نكمله❓.
أول ما بنبدأ جلسة المذاكرة نحط ورقة جنبنا ولما نفتكر الكرسبي تشيكن اللي عايزين نأكلها ع الغدا نكتبها بالورقة. ونكمل مذاكرتنا…
ولما أفتكر صاحبي أو صاحبتي اللي اتخانقت معايا من شهر بالمدرسة اكتب بورقة المشتتات اني عايزة اكمل الخناقة بكرة .
ولما نفتكر إحنا هنلبس ايه واحنا مسافرين بالصيف بعد ست شهور نكتب بالورقة ( لبس الصيف)
وهكذا … كل ما تجيلهم فكرة مشتتة يكتبوها بورقة المشتتات وميتحركوش من مكانهم لغاية ما تعدي فترة المذاكرة والهدف اللي عايزين نخلصه.
وبعد إنهاء الهدف نبص في ورقة المشتتات ونشوف هنعمل منها ايه❓ وايه منها خزعبلات اصلا مش هيتعمل ( وده أغلب الأشياء اللي هتتكتب)
طب احنا بنعمل ايه بالتكنيك ده❓
بننبه الطفل أنه يتدرب ينتبه لمشتتاته . ويفهم أنه بيقاومها . وبيتدرب أنه بيأجل التفكير فيها لبعد إنجاز المهمة الرئيسية.
ومع الوقت والتكرار الولاد بيتعلموا يطردوا الأفكار المشتتة بسرعة اول ما بتيجي، لأن الدماغ بتفهمها وبتفهم أنها خدعة للهروب من العمل الجاد.
الأمر ممكن ياخد ٣ شهور تدريب روتيني مع كل جلسة أداء مهام أو جلسة عمل للكبار . عشان نقول إنه التركيز أصبح عادة ومقاومة التشتيت أصبحت سهلة وتلقائية ومفهومة عندنا.
دمتم مركزين 
