جماعة انا حاليا وقتي يسمح اني اقدر اذاكر ب ال ١٠ حلقات في اليوم هل اعمل كده
و انا مش بنوع في الكورسات انا بذاكر الكورس من اوله لاخره لاني حاولت انوع بين الكورسات لقيتني اتشتت بطريقة غبية يعني اني اذاكر كورس الكلمات و القواعد و الصوتيات مثلا في وقت واحد شتتتي اوي لان كده كورس هيخلص قبل التاني و حسيت اني مشتت فحبيت بصراحة اني اخد الكورس كامل من اوله لاخره
ف عايز اخد رايكم في اني عادي اذاكر ب ال ١٠ حلقات في اليوم و عادي اذاكر كورس واحد بحيث اخلصه مثلا في يومين تلاتة
بصراحة لا أنصح بذلك لأنك فعلا هتخلص الكورس ولكن المخصلة هتكون قليلة ومعلومات كتير هتنساها، أنصحك بصراحة تذاكر درسين في اليوم وتستثمر باقي الوقت في أمور اخرى كتعلم مهارات جديدة، او تعلم الفقه وأمور الدين أو أمر آخر يعود عليك بالنفع
ممكن حضرتك بتحسب الـ 10 فيديوهات دمت بوقتهم.
وفي الحقيقة الفيديو لازم يتسمع الأول وبعدين يتذاكر من الـ pdf أو الكتاب
وبعدين يتسمع تاني وبالشكل ده حلو جدا إنك تسمع 4 فيديوهات في اليوم ونوع عشان الملل
يعني لو إنت في البداية
تعلم من الصفر حلقة وبعدين القراءة حلقة وحلة قواعد وبعدين حلقة صوتيات.
تنمي مهاراتك بالتوازي وعشان تتفادى الملل.
هيبقى وقت فاضي كثير بعد كده تعمل في إيه؟
المراجعة
لازم تراجع أول بأول هي اللي هتحفظك الجمل وهتدخلهالك في عقلك اللا واعي وهتوفر عليك وقت كثير جدا.
مفيهاش تشتيت ولا حاجة أعتقد ساعتها كنت بتسمع بدون متذاكر أو بتسمع فيديوهين من كل كورس وده غلط خالص الحل فيديو واحد من أربع كورسات مختلفة كل يوم وبعد كده تذاكرهم وكل يوم تراجع على الماضي عشان تثبت المعلومة.
دي اجابة المستر للي بيذاكرو في طليق
المقتبس انك تذاكر قليل عشان تستوعب
السلام عليكم يا أبطال كورس الإنجليزية المتوسط B1،
سأكتب كلامي لكم بالعامية هذه المرة علشان تتخيله ك فيديو 
عارفين إنكم بتواجهوا تحديات كتير في رحلتكم لتعلم اللغة الإنجليزية، وده شيء طبيعي جدًا. كلنا مرينا بالمراحل دي قبل كده. يمكن تحسوا إن الدروس دسمة شوية وفيها مفردات كتير وأمثلة متعددة، خاصة مع تنزيل حلقة جديدة كل يوم. وممكن ده يخليكم تحسوا ببعض الضغط أو الإرهاق.
بس خلوني أقولك على حاجة:
مفيش داعي نهائي إنكم تلتزموا بجدول معين أو تحسوا إنكم لازم تخلصوا حلقة كل يوم. كل واحد فينا ليه وتيرته الخاصة في التعلم. يعني لو حاسس إن حلقتين في الأسبوع كفاية بالنسبة ليك، تمام جدًا! وده تقدم ممتاز, المهم إنك تفهم الدروس كويس وتتمرن عليها علشان تترسخ في دماغك.
إحنا بنركز على زيادة المفردات في المستوى ده علشان نساعدكم ترفعوا مستواكم وتبقوا قادرين تتعاملوا مع اللغة بثقة أكبر. مش عايزينكم تحسوا إنكم واقفين في مكانكم أو مش قادرين تتقدموا. وبنمشي على نفس منهجية النظام الأوروبي في معايير الكفاءة في اللغة الإنجليزية، علشان نوفر لكم أفضل تجربة تعلم ممكنة.
وعلشان نسهّل عليكم الأمور أكتر، بنحب نبشركم إن التحديثات الجاية لتطبيق طليق هتتضمن قسم خاص لمراجعة الكلمات والتدرب على الكلمات الصعبة اللي ممكن تنسوها.
وصدقني, انا وانت وكل الناس بما فيهم المتحدث الأصلي بينسى مفردات. والا مكانش في تعبيرات زي - الكلمة على طرف لساني. أحيانا بتبقى مش لاقي الكلمة مع انك استخدمتها زنجبار ومتين الف مرة. مبتحصلش معاك في العربي؟ فلما تنسى, معلش - اعرف انك إنسان والإنسان من النسيان
وفي النهاية، متنسوش تستمتعوا بالرحلة. التعلم مش سباق، ومش لازم نخلص بسرعة. خدو وقتكم واستمتعوا بكل درس وكل كلمة جديدة بتتعلموها. كل خطوة بتقربكم من هدفكم، ومهما كانت صغيرة فهي مهمة.
إحنا معاكم في كل خطوة، ومتأكدين إنكم هتوصلوا لأهدافكم. لو عندكم أي استفسارات أو حابين تشاركوا تجربتكم، متترددوش. إحنا أسرة واحدة وبندعم بعض.
شدوا حيلكم، ومستنيين نشوف إنجازاتكم!