السلام عليكم دكتور ابراهيم انا عندى الذاكرة السمعية ضعيفة بمعنى ممكن اسمع الحاجة اكتر من مرة بس ما اسمعهاش بالشكل الصح او النطق الصح ودا عاملى مشكلة كبيرة اثناء التعلم مع العلم ان ذاكرتى البصرية قوية يعنى مثلا اترجم كويس جداا بس مقدرش مثلا اتكلم بقعد فترة كبيرة جداا علشان اجمع هل ده معناه انى ابدا مش هتعلم اللغات لانى نفسى اتقن اكتر من لغة ممكن حضرتك تتكلم عن الموضوع ده وامتى حضرتك هتنزل البرنامج الالى اللى هنتكلم معاه بحيث نطور من نفسنا وشكرا لحضرتك جدا
3 إعجابات
مرحبا هنا في المنتدى، سأحاول فقط طرح وجهة نظري
لا أرى ان بسبب ان الذاكرة السمعية ضعيفة فده هيخليكي ضعيفة في اللغات كلها (وان كنت غير متخصص دي وجهة نظري) لانك متقنة للغة اصعب بكتير (العربي)
متعرفيش الاجانب بيتعذبو ازاي عشان يتعلموا اللغة العربية
بالنسبالهم صوت الحاء والخاء صعبين وخصوصا لما يكونوا مع بعض، يعني عبارة “صباح الخير” بالنسبالهم صعبة جدا:joy:
واللغة الانجليزية لغة ثانية، لغة اضافية لك ولمهاراتك، ولغة مختلفة لها أصواتها وقواعدها ووقتها في التعلم
ولا أظن ان ربنا هيخذلك في التعلم بعد المجهود اللي بتبذليه، اسعي ولكل مجتهد نصيب، وحاجة كمان: بمرور الوقت هتعتادي على الاصوات والمخارج الانجليزية، بس مش عارف ان كان ضعف الذاكرة موضوع طبي ولا لأ، بس عموما لكل مجتهد نصيب وحتى أطفال الغرب بيتكلمو الانجليزي عادي لانه مش مستحيل
5 إعجابات
انا عارفة ان كل ما بتجتهد اكتر ربنا بيوفقك بس طبعا لما تلاقى ان المشكلة بتواجهك كتير وباستمرار بتفكر ان المشكلة فيك
طبعا شكرا جدا لاستجابتك
3 إعجابات
انا بس ظننت انه توهم لأن مشاكل زي دي بتواجه ناس كتير، زي انهم ميعرفوش يقلدوا الصوت من اول مرة، والمستر اتكلم عن كده قبل ذلك وقال إن ده طبيعي جدا، بس مش عارف ان كان هناك مشكلة فعلا ولا لأ
3 إعجابات
عندي نظرة خفيفة عالموضوع…
بس انت حاولت تروحي عند طبيب…؟؟
على حسب علمي المفروض دا ممكن يتعالج من خلال تمارين سمعية …
خلي الانجليزي لكان تدريب سمعي الك ومش بالضرورة المشكل اللي عندك يخليك ما تتعلم انجليزي…
انا مثلا ما عندي مشكل ذاكرة سمعية بس ما كنت بفهم شو بيقلون بالانجليزي خاصة اثناء الصخب… وبالممارسة تحسن الموضوع دا…
انت نفس الشي بس مع مشكلتك ممكن تستغرقي اكثر… عشان كدا اصبري وان شاء الله رح تحلي المشكلة:smiling_face_with_three_hearts:
4 إعجابات
هل ضعف الذاكرة السمعية يمنعك من اتقان اللغة الإنجليزية
الجواب لا انت من يقرر
ان تجعل هذا الضعف يجعلك تبكي ولا تتقدم
او تتوكل على الله وتتغلب على كل الصعوبات
3 إعجابات