هكتب لحضرتك نفس الاقتراحات اللي كتبتها على طليق وحضرتك ممكن مشفتهاش
الفكرة كويسة طبعاً وععندي اقتراح طالما حضرتك بالفعل قولت ممكن بمشاهدة الإعلانات اوصل لفتح خمس دروس إذا لو حد حابب اكتر من كده كمان ممكن نوفر له حاجات أخرى تعطيه ماسات بجانب اختبار الدرس ومشاهدة الإعلانات
1_ كل 3 ايام يتبعت له مثلا100ماسة كنوع من المكافئة
2_ بعد الاستمرار 7 ايام متتالية يتبعت للطالب مكافئة تكون كبيرة شوية اتنين تلاتة لكن بعد مشاهدة اعلان(تكون مدته كبيرة برضو)
3_ كل ما يخلص كورس ينزله ماسات مع جملة تشجيع
4_اهم حاجة -طالما الفلاش كارد هتكون غير متوفرة إلا من خلال الشراء- يكون فيه pdf للدرس ويخصم أقل عدد ممكن من الماسات أو كما تحب لكن المهم يكون موجود ولو إن الفلاش كارد مهم لمراجعة الكلمات(حضرتك فكر في حل لتجاوز العقبة دي)
5_ لو لقيت حل وبقى الفلاش كارد -معظمنا- يقدر يستخدمه، يكون فيه اختبار بسيط على الكلمات اللي راجعها بالفعل ولو نجح بنسبة معينة ينزله ماسات
6_ومراعاةً للناس اللي بتنجح في اختبار الدروس بنسب فوق ال95٪ على مدار أسبوع -مثلاً- ينزلهم مكافئة عالية وجملة تحفيزية للإستمرار على التفوق ده
7_ لما افتح درس واحل الاختبار وحبيت ارجع احل الاختبار تاني ياريت ميتحسبش درس منفصل ويخصم ماسات بناء على ده -انه درس جديد يعني-
8_ لان مينفعش نقتصر على دراسة مستوى واحد بس ممكن بعد نهاية كل مستوى يكون فيه اختبار شامل على المستوى وبعد اجتيازه يتفتح المستوى الذي يليه مباشرة-لان مش كلنا هنقدر على درفع مبلغ لفتح المستوى- وتكون نسبة الاجتياز المطلوبة مش كبيرة يعني ولو حد جاب في الاختبار 90 درجة مثلا يكون ليه مكافئة خاصة غير فتح المستوى التالي
…كل ده انا بتكلم على ذا مريكان لان دراستي عليه فمعرفش نظام التطبيقات التانية…
***عارف إن كل اللي كتبته هدفه منفعة لينا احنا فقط لكن أنا بعرضه لحضرتك وشوف افضل حل يناسب الناس بدرجاتهم المختلفة سواء المادية-من حيث شراء بعض المزايا- ومن حيث ناحية عدد الدروس اللي بيشوفها وهنا اقصد نقدم حلول للي بيحب ياكل الدروس وطول اليوم بيذاكر على التطبيق بس وفنفس الوقت لا يضر سير تشغيل التطبيق ولا يضر الناس اللي مكتفية بحلقتين بس أو كما تشاء
هفكر مع حضرتك تاني ولو جاتلي افكار جديدة هبعت لحضرتك @Ibrahim
انا نقلت الموضوع لخانة الإقتراحات وقرأته - بالفعل الشيت الى عملت فيها النظام, فيها مكافئات وحوافز كتير من الى انت قلتها ولكن خليني اصحح حاجة موفقتش في شرحها
الفلاش كاردز متاحة من غير شراء عادي. ولكن فيها مزايا, بتتطلب منك ماسات لتفتحها. لو مش محتاج المزايا - عادي من غير ماسات
الدرس الي بتفتحه مرة. خلاص تفتحة الف مرة بعدها عادي مش هيحسبه درس جديد
بالنسبة لفتح المستوى الجديد, في حاجة اسمها دوري المحترفين هكلمك عنها بعدين, الى بيوصل فيها مكان مرتفع لانه فعلا درس واجتهد, ده بنرقيله حسابه فيقدر يفتح المستوى الى بعده عادي جدا
أستاذي
مهم جدا جدا الرد ارجوك
أرجو لو يكون ف الخطة المستقبلية للتطبيق
غرف صوتية للتدرب على التحدث مع طلاب زينا زي بعض أو مدرسين حتى لو بفلوس
يكون فيه مثلا كتب للقراءة عموما في كل مجال أو حتى ترشيحات لأسماء كتب في كل مجال بالإنجليزي طبعا
يكون في بودكاست صوتي من حضرتك أو من أحد المدرسين عند حضرتك للتدرب على الإستماع بجانب كورس الأفلام أو حتى ترشيحات للبودكاستات الخارجية لو دي صعبة
يكون فيه تدريب ع الكتابة كتابة بحث .يوميات وهكذا غير كورس الكتابة طبعا
يعني يا أستاذي نركز ع جانب العملي شوية والتدرب عليه بجانب الكورسات الأساسية
يعني مثلا ممكن تعمل حاجة بعيدة خاالص عن المستويات والكورسات
فتعمل مثلا ايقونة اسمها مثلا مثلا التدريب
ندخل عليها يكون موجود المهارات الأربعة القراءة.الكتابة.الإستماع. التحدث
زي ما قلت فوق
القراءة يكون فيها مقالات للقراءة ف كل مجال أو كتب في كل مجال أو أسماء الكتب لو في حقوق طبع ونشر
الإستماع بودكاست معمول من حضرتك أو أحد المدرسين السماع ف كل مجال بجانب كورس الأفلام
التحدث غرف صوتية مع متحدثين أصليين أو معلمين (بفلوس) أو مع طلاب زينا
كذلك الكتابة نعمل بحث مثلا ف مجال معين ونقدمو يراجع بواسطة المدرسين وهكذا
طبعا طبعا طبعا كل ده يكون بفلوس واشتراك عادي جدا لإنو شغل كبير جدا جدا وتكلفة باهظة
ف اللي عايز يشترك يشترك واللي مش عايز كدة كدة هوا معاه المستويات والكورسات شغالة عادي جدا وحضرتك عند وعدك بإن الكورس والتعليم عليه مجاني
أرجو الجواب يا أستاذي بالله عليك
هذه الفكرة في بالي من زمان @Ibrahim @Ibrahim @. Ibrahim
