السلام عليكم ازاي اتخلص من البلوك الدراسي انا كنت هخلص المستوي الاول في ٢٤ يوم وبعد كدا توقفت والي الان لم ابداء اعنل اي
5 إعجابات
أصعب شيء هو البداية
أنا بكون كسلان جداً عن المذاكرة، وبعدين بقول هبدأ بس
ولما ببدأ يكمل بسهولة
5 إعجابات
حقيقي بتكون البداية تقيلة فعلا لان العقل اتعود على الهدوء والروقان بس شخصيا بعمل حاجتين
برمي نفسي بدون تفكير ولا تخطيط
بفتكر هدفي من التعلم لما بكسل
6 إعجابات
ازاي احدد هدفي من التعلم
4 إعجابات
الهدف من تعلم اللغات مش اسطمبة واحدة مع كل الناس بمعني انت الوحيد اللي تعرف انت عايز تتعلم لغة ليه، لو مش عارف هدفك من التعلم دلوقتي يعني مثلا جرب كده تقول لنفسك انا مش هتعلم انجليزي وهكنسل الموضوع بعد ما تعمل كده تلقائيا هترد على نفسك انه لاء لازم اتعلم عشان كذا وكذا وكذا، امسك بقى في كذا وكذا دول واكتبهم في دفتر وخليهم قريبين منك دايما.
لو لقيت انك معندكش مشكلة توقف دراسة اللغة فيكفيك تكون عارف انك اي كان مجالك فهتحتاج اللغة عشان تطور نفسك اكتر وتوصل لاماكن اعلى وحتى لو مش بتدرس مجال معين فمؤكد انك هتحتاج تاخد كورس مستقبلا وجس وااات هتلاقي الكورسات التقيلة باللغة الانجليزية 
ف مفيش مفر الحقيقة من وجهة نظري وجايز تكون فعلا انت حاليا ومستقبلا مش هتحتاج اللغة في حاجة لظروفك الشخصية فمش هفرض عليك حاجة
ربنا يوفقك ويوفقنا جميعا لما يحب ويرضى
4 إعجابات
دول ٢٤ درس يعني !! انت مش رايح تجاهد
4 إعجابات
بص يا حبيبي، انسى كل الكلام بتاع التنمية البشرية
وانسى كلام الناس اللي بيقولوا انهم مش تنمية بشرية (وهم في الحقيقة تنمية بشرية)
ايه (ازاي أحقق هدفي من التعلم) دي ؟؟؟
اللي عايز يذاكر يا حبيبي هيفتح الدرس الأول ويذاكره ويحمل الملخص ويراجع الجمل ويقرأها بصوت عالي
اللي مش عايز يذاكر وعايز يلعب هيلاقي ١٠٠ عذر أنه ما يذاكرش
4 إعجابات
كلام بتوع التنمية البشرية ده فعلا بيجيب نتائج عكسية خصوصا لو حد دخل في سكة ازاي احقق هدفي اللي هو انت عندك هدف معين وعارف خطواته وطرق الوصول ليه ورايح تبحث عن ازاي احقق هدفي بدل ما تقعد تذاكر
4 إعجابات
دول ٢٤ درس !!
مش عارف يذاكر ٢٤ درس ؟ كل يوم درس جديد ودرسين مراجعة
إعجابَين (2)
تخيل انك اسد وستصبح اسد
4 إعجابات
شكرا جدا ليكم
بس هل اذاكر تعلم من الصفر كتابه وترديد بصوت عالي فقط
+انا اغلب الكلمات في مستوي واحد عارفها من المدرسه
إعجاب واحد (1)
انا مش اسد انا واحد عادي
إعجاب واحد (1)
محتوى المستر مختلف تماما عن المدرسة ذاكر كل الكورسات ستصبح افضل من اي شخص لديه انجليزي المدارس
البلوك الدراسي؟!
اول مرة اسمع هذا المصطلح
إعجاب واحد (1)
البلوك الدراسي هو نظام دراسي يعتمد على تقسيم المنهاج إلى وحدات أو كتل صغيرة تُدرس بشكل متتابع على مدى فترة زمنية قصيرة، بدلاً من دراسة جميع المواد الدراسية في وقت واحد طوال الفصل الدراسي. في هذا النظام، يركز الطلاب على موضوع أو مادة واحدة فقط خلال مدة البلوك (عادةً ما تكون بين أسبوعين إلى ستة أسابيع)، مما يسمح لهم بالتعمق في المادة والتفرغ لدراستها دون تداخل مع مواد أخرى.
يستخدم نظام البلوك الدراسي عادةً في البرامج المكثفة أو في بعض الجامعات التي تهدف إلى تعزيز التعلم العميق وتجنب تشتت الطلاب بين عدة مواد دفعة واحدة.
إعجابَين (2)
اها، شكرا للتوضيح
تبدو فكرة ممتازة للدراسة 
إعجاب واحد (1)
انت جايب الكلام دا من الذكاء الاصطناعي 
إعجابَين (2)
البلوك الدراسي يعني انك مش عايز تذاكر وزهقان من المذاكرة وكدا
زي مثلاً برضو بلوك القراءة يعني الواحد بيقرأ كتير، وبعدين يحصل له بلوك قراءة، يعني يكون حاسس أنه مش عايز يقرأ وما يقدرش يقرأ كتب لمدة معينة
مثلا أنا في الكلية، في أول ٥ أسابيع في الدراسة كانت الدنيا كويسة، وبعدين عندي حاليا بلوك مذاكرة، ومش قادر أذاكر وقاعد بلعب ألعاب ومش بذاكر فأنا عندي بلوك مذاكرة
إعجابَين (2)
فاهم غلط انت
لا من Artificial Intelligence
إعجاب واحد (1)