السلام عليكم و رحمة الله و براكاته
كنت ابتديت المستوى الثاني من حوالي اسبوع الحمدلله و لاكن صادفتني مشاكل
واحد مش عارف ايه افضل طيقه للمذاكره من كورس تعلم كماي يتعلم الغرب
اتنين احيانا المعنى العربي للجمل بيجي في دماغي غصب عني اعمل ايه
و شكرا
إعجابَين (2)
اهلا بيك في المنتدى
انا عن نفسي كنت بكتب الكلمات والمصطلحات والجمل المذكورة في الحلقة وبعد كده احاول اشرحها لنفسي بالإنجليزي بصوت مسموع (شرحها لنفسي كان اجتهاد مني بس)
وبخصوص المعنى بالعربي فده عادي ان شاء الله لو العربي جاء في بالك لا تقاومه وفي كورسات المستوى الثاني والثالث هيقل الموضوع جدا بإذن الله
3 إعجابات
شكرا جدا بس هل في حاجات معينه تنصحني بيها تحسن من التفكير في الأنجليزي عشان بدات احس ان الموضوع مستحيل
إعجاب واحد (1)
اطمئن الموضوع مش مستحيل، لو مستحيل يبقا المستحيل حصل مليون مرة في التاريخ 
ممكن تحاول تتحدث بالإنجليزي قدر استطاعتك، انا عارف ان اللي مبتدئ في الموضوع ده بيشعر بالإحباط لأنه بيترجم كل كلمة ومش بيحس بتقدم، بس ده في الأول بس، اللي بيكمل بيشوف النتيجة
بس كثرة التحدث بالانجليزية هيحسن التفكير بالإنجليزي ان شاء الله، ولا تحاول استحضار المعنى في العربي، خصوصا مع تقدمك
وكذلك حاول تبحث عن معنى الكلمة عن طريق قاموس انجليزي انجليزي مثل قاموس كامبريدج المجاني
هتجده سهل وبسيط ان شاء الله، ومعرفة التعريف بالانجليزي مهم لتجنب التفكير بالعربي
ومع كل ده فالكورسات في المستوى الثاني (وخصوصا التفكير بالإنجليزي) والمستوى الثالث تركز على هذا الامر
وبالتوفيق ان شاء الله
6 إعجابات