انا النطق بتاعي بالنسبة لمستوايا الحمد لله كويس بس بواجه مشكلة كبيرة جدا في المحصلة اللغويه عندي ضعيفه وحروف الجر زي امتي استخدم on in at … ومشاكل في spelling ألكلمات كل المشاكل دي بسبب اني ماكنتش بذاكر في ثانوي الحاجات دي كويس بس القواعد وتكوين الجمل انا كويس فيها
حد عنده نصيحه ليا اركز علي ايه او اعمل ايه ؟ انا كنت مخلص المستوي الاول مه استاذ ابراهيم
3 إعجابات
شوف مشاهد وقلد غير كدة برضه امسك الحروف دى اتفرج عليها مع مستر ابراهيم وبعد ما تفهمها طبقا مع نفسك حتى لو هتحس ان فيه بطء لكن مع الوقت هتبقى سهلة ان شاء الله
3 إعجابات
بالنسبة للحصيلة القليلة من الكلمات، أفتح أي كرتون أطفال بالإنجليزي واتفرج عليه، والكلمة الجديدة اللي تقابلك اكتبها في دفتر بنك الكلمات مع الجملة الي وردت فيها، لا تكتب الكلمة منفردة
إعجابَين (2)
ان شاء الله المشاكل تتحل ان شاء الله مع الكورسات
في كورسات الصوتيات هتتعلم زي قواعد تحكم النطق فتسهل حفظ التهجي، ده غير ان هيبة التهجي مبقتش زي زمان، التصحيح التلقائي في كل حتة، تقدر الكلمات اللي بتسببلك مشاكل تعمل بها العاب زي كلمات متقاطعة وكده من مواقع على الإنترنت، وكل ده كلام المستر بالمناسبة
وبالنسبة لحصيلة الكلمات فكن مجتهد ومتقلقش الناس في المستوى الرابع بتدرس مفردات متقدمة في الكتب والروايات
3 إعجابات
هوا المشكلة اني ببقي عارف نقط الكلمة بس في نفس الوقت مش عارف اكتبها
الصوت بيبقي ليه اكتر من احتمالية كتابه بس ان شاء الله مع الممارسة والتصحيح هتثبت
إعجابَين (2)
فعلا هتعرف كده في كورس الصوتيات المستوى الثاني فالصوت بييجي من كذا مصدر والمصدر بينتج كذا صوت
الأبجدية الانجليزية هشة وتكونت من كذا لغة وتطورت كثيرا على مر العصور
حتى المتحدثين الأصليين ممكن ينسو تهجئة الكلمات الغير شائعة عندهم، طبعا الوضع مختلف في اللغة العربية، على الأقل فيه تشكيل
3 إعجابات